الرجوله ماتت فى 73 ؟؟!!

اول نقطه

ناس فى اتوبيس والدنيا زحمه واحده ست حامل وواقفه مقالتش لحد خلينى اعد وفى شباب كتير اعدين
فى شاب كان واقف خبط الست الحامل الست بتقوله مش تحاسب يا ابنى معلش وسع شويه
الواد ببجاحه رد قالها واعمللك ايه يعنى ما انتى شايفه الدنيا زحمه
ف نفس الاتوبيس شاب كان اعد يا دوب المحطه بتاعته جات نزل الست يا دوب رايحه للكرسى عشان تعد
لقيت شاب ناطط من فوقيها وبيقولها لموخذه يا حاجه واعد على الكرسى الى كانت الست هتقعد عليه
جه راجل عجوز قال للست تعالى اعدى الست من تعبها راحت اعد على كرسى الراجل العجوز
والراجل واقف بيقول
ماحدش فى رجاله خلاص
الرجاله ماتت فى 73

**************************

النقطه التانيه

الموقف ده حصل وشوفته
شباب بيتخانقوا والناس عمله دايره كبيره وعيال ماسكين ولد ومعاهم مطاوى وسكاكين وبيضربوا والواد دم من كل حته
مش عارف يهرب منهم والناس عماله تتفرج ولا كانه مطش كوره ومحدش بيتحرك لحد ما سمعوا
عربيه بوليس جايه طلعوا يجروا والواد مرمى على الارض والدم من كل حته
فين هنا بقا الشهامه والرجوله

*********************

النقطه التالته

بنت ماشيه فى حالها ومحترمه ده بيعاكسها وده بيعاكسها وهى ولا كنا
فى حد بيكلهم خالص وماشيه ومش عامله اهتمام ليهم
لحد ما 4 ولاد خطفوا شنطه البنت واعدوا يحدفوها لبعض وفى الاخر رموها ليها فى الشارع
وكل واحد شاف المنظر ده اعد يضحك وكانه شاف حاجه حلوه
والبنت راحت تجيب الشنطه والدموع على عينها

*************

النقطه الرابعه

ودى شوفتها بعينى
كنت قاعده فى ميكروباص وكانت فى بنت قاعده جنبى
وكان فى شاب قاعد ورا البنت دى فراح مد ايدو من جنبها وعمل حركه مش تمام
فالبنت حست بأيدو وزعقت فى الميكروباص وشتمتو وكان فى شيخ قاعد جنبو ولا عمل حاجه
ولا اكن حاجه حصلت وسواق الميكروباص كان مشغل اغانى وطاها وبعد ماخلصت زعيق علا التسجيل من تانى
ولا اكن فى حاجه حصلت
وانا معرفتش اقلها ايه اذا كان الرجاله قاعده ومافيش دم ولا احساس عندهم
مش لينا حق نقول الرجاله مااااتت فى 73

*************

انا بقيت امشى فى الشارع وانا خايفه وابص ورايا من كتر اللى بقيت اشوفو

وحجات كتير بنفس النوعيه دى وكلنا بنقف نتفرج فيه ناس مش بتقف وفى ناس بتتدخل
بس دول قليلين اوى ويمكن بقوا معدومين الوقتى
احنا بقنا عايشين فى غابه مليانه وحوش وناس مش عندها ده

انا لما قولت ان الرجاله ماتوا ف 73 انا عندى حق وبعدين مش انا لوحدى الى طالعه بقول كدا
ده ناس كتير اوى وشباب كبار وصغيرين وستات مش طالعه انا كدا يعنى واعمل انقلاب ولا حاجه
وبعدين فيه رجاله بس مش فيه رجوله ومعنى رجوله
انا والله ما بهين حد ولو حد هيعتبر كلامى ده اهانه انا بقول اهوا ادامكوا دى مش اهانه
كل الحكايه ان فى العصر ده فيه ذكور مكتوبه على البطاقه فقط
انما الرجوله الى كانت موجوده زمان وقبل زمان دى الى انا نفسى اعيش ايامهم
مش موجوده
انتهيت خلاص

يا ريت محدش يزعل من كلامى

يابنتى ياحبيبتى كل واحد دلوقت بقا ماشى فى حالو وبيقول ياحيطة دارينى الناس عندها دم صدقينى

وبيتحمقووو بس مش فى ايديهم يعملو حاجةةة كل واحدبيجرى على اكل عيشو فى الزمن اللى

بقت الاسعار فيه نار والظلم فيه منتشر وبقو ياخدو عاطل فى باطل ماتلوميش على الناس لومى

على الحكومة وعلى اللى عملاه فى الناس

الرجوله ماتت فى 73 ؟؟!! 549137

لأا ياماريا حتى لو كان كدا

الناس اتغيرت ومبقاش فى رجاله فعلا

سيبك من الحكومه حتى لو الحكومه ادت حقوق الناس كامله

الحياه هتبقى كدا زى ما احنا شايفنها ومافيش حاجه هتتغير

الناس تبقى ماشيه فى شارع وشايفين البنت تتعاكس ويحصل اللى يحصلها وهما بيتفرجو

لا اكتر ولا اقل ايه الحكومه قالتلهم اعملو كدا!!!!!!!!!!!!

كلامك صح يا سلمى بقت الرجولة لقب بس وفعلا كلامك كله صح وياما نماذج اكتر من كدة بتحصل

وكل الناس بتقف تتفرج وتضحك ولا كان فى حاجة حصلت او كان ان الموضوع
فيه نكتة ليكي حق تمشى تخافى لان فعلا الرجولة انعدمت
ياماريا من زمان وظروف الشعب المصرى وحشة والحكومة من زمان مكبلاه بالاسعار
بس زمان كان فيه نخوة ورجولة شوية عند دلوقتى
اعتقد دلوقتى نادرا لما تلاقى حد كويس
او واحد مش راجل اسما بس ممكن واحد كل الف يبقى كدة
وديه من اهم المشكلات الى جايبانا ورا

انا قلت كدة من الاول

هما عوزين يرجعو لزمن سى السيد

عموما الراجل لا بتفرق معاة 73 من 99 لان الراجل راجل

وبعدين هو اية الى اتغير فى الرجالة واية الى اتغير فى المرأة

العامل الاساسى بيرجع للتربية الى خرجت من الاسرة

ومن خلال التربية بينظر للشئ انه عادى او مش عادى

ومن هنا رد الفعل بيكون هو( النخوة او التيوس )

hero_hamada كتب:: كلامك صح يا سلمى بقت الرجولة لقب بس وفعلا كلامك كله صح وياما نماذج اكتر من كدة بتحصل

وكل الناس بتقف تتفرج وتضحك ولا كان فى حاجة حصلت او كان ان الموضوع
فيه نكتة ليكي حق تمشى تخافى لان فعلا الرجولة انعدمت
ياماريا من زمان وظروف الشعب المصرى وحشة والحكومة من زمان مكبلاه بالاسعار
بس زمان كان فيه نخوة ورجولة شوية عند دلوقتى
اعتقد دلوقتى نادرا لما تلاقى حد كويس
او واحد مش راجل اسما بس ممكن واحد كل الف يبقى كدة
وديه من اهم المشكلات الى جايبانا ورا

كلامك مظبوط ياهيرو

ميدو كتب:: انا قلت كدة من الاول

هما عوزين يرجعو لزمن سى السيد

عموما الراجل لا بتفرق معاة 73 من 99 لان الراجل راجل

وبعدين هو اية الى اتغير فى الرجالة واية الى اتغير فى المرأة

العامل الاساسى بيرجع للتربية الى خرجت من الاسرة

ومن خلال التربية بينظر للشئ انه عادى او مش عادى

ومن هنا رد الفعل بيكون هو( النخوة او التيوس )

لا يا ميدو الرجاله اتغيرت كتييييييييير عن زمااااااان

بس يمكن زى ماانت بتقول العامل الاساسى اللى بيرجع لكدا التربيه

ميرسى على رأيك

عندنا ف البلد لو موقف من المواقف دي حصلت

يا نهار ازرق ممكن البلد تتقلب راسا ع عقب

علشان احنا شويه واخدين عادات وتقاليد ريفيه

مش هقول ولاد بلد جدعاان

بس تعوود وف شهاامه واهالينا عودونا ع كد والصح فقين والغلط بلاش منه

وده ف اماكن كتير ف مصر

الناس الي تربت ع العادات المصريه الاصلبه

مش كل الناس مااتت جوااهم الرجوله او النخوه

هما بيكونو اصلا ما يعرفوش النخوه لانهم اتربو ع حاجات تانيه

اتولدو لقو نفسهم ف مكان وبيئه فيها كل شئ سهل وعاادي

الحكومه فعلا ليها تاثير ع التغيراات الي حصلت ف الناس

بس ما اظنش ان النخوه والرجوله بتتاثر بالظروف

بس اقولك بردو

كتير اووي بتحصل الحاجات دي

وزي ما ماري قالت كله بيقول يالا نفسي

حتى لو هو متربي ف وسط عادات وتقاليد مصريه

هيكون ردو بينو وبين نفسه

( من رأى منكم منكرا فاليغيره بيده فان لم يستطع فابلسانه وان لم يستطع فابقلبه

وهذا اضعف الايمان )

الريف حافظ على هذه العادات والتقاليد

لكن المدن خلاص

احيانا بيصعب على الشباب

هما بيدوروا على مستقبلهم مش فاضيين يعملوا فيها رجالة دى مش زمن الحماس والجدعنة

لكن ف نفس الوقت احنا لو استمرينا كده مش هنلاقى مبادئ وقيم نعلمها لاولادنا

بجد حال البشر بقى عجب العجاب

بصراحة الواحد مش عارف ينصح اخوه بايه

تخيلوا لو واحد حصلت له حادثة ف الشارع

لو انت اتحمست وقلت تاخده بعربيتك لاقرب مستشفى

يا خرااااااااااااااااااااابى

مش هتخلص

س و ج

هتكره انك تساعد حد

بجد زماننا تاهت فيه القيم والعادات وبقينا محتارين

بين اسس اهالينا علموها لينا

وواقع بيحاصرنا

وللاسف تاهت المعانى ومش عارفين احنا صح ف زمن غلط والا غلط ف زمن صح

الشهامة موجودة

بس احنا دفناها ف وسط الزحمة بعد ما قتلناها

لو في 10 او 20% رجوله
يبقى 80% مفيش
فعلا الرجاله ماتت في 73
مثال بسيط اوى يدل على عدم وجود رجوله اصلا
شوفوا راى الشباب دلوقتى لو حصل حرب هيعملوا ايه
والله هنتوكس الشباب دلوقتى مبقتش فالحه غير في معكسه البنات
وتسقيط البنطلون وحاطط بودنه الهند فري
يبقى فين الرجاله بقا
وعلى فكره يا سلمى كل اللى بتحكيه ده بيحصل فعلا وفي كل مكان
للاسف انعدمت الاخلاق والتربيه

لا مش اى رجاله لسه فى رجاله عايشه وعنها الشهامه دى عارفين ليه الناس بتعمل كده من اللى بيتعمل فيهم الناس تتبهدل من اللى اكبر ومنهم ويفشو غلهم فى الضعاف طيب ما تفشو غلكو فى الناس اللى مورياكم الويل

يعنى عايزنا مثلا نعمل ايه في واحد
عمل حركه مش تمام نفش غلنا فيه ازاى
امسكه اضربه مثلا

لا مش تضربيه

تقطعي عليه الجزمة اللى فى رجلك

الرجوله ماتت فى 73 ؟؟!! 633800

ربنا يهدى الناس كلها