•·.·`¯°·.·• (صوت القلوب) •·.·°¯`·.·•




اهلا بيك معنا عزيزي زائر منتدي صوت القلوب
تفضل بالدخول اذا كنت من اسره المنتدي
او تفضل بالتسجيل
اذا كنت ترغب ف الاشتراك معنا وسنتشرف بيك كثيرا


او اعملها اخفاء وريح نفسك
•·.·`¯°·.·• (صوت القلوب) •·.·°¯`·.·•




 
الرئيسيةبحـثس .و .جالأعضاءدخولالتسجيل

شاطر | 
 

 على إسم مصر

اذهب الى الأسفل 
كاتب الموضوعرسالة
Maria
Naughty Heart
Naughty Heart
avatar

انثى
الابراج : الجوزاء
الأبراج الصينية : الثعبان
عدد الرسائل : 1079
تاريخ الميلاد : 31/05/1989
العمر : 29
العمل/الترفيه : طالبة
المزاج : امارس التجاهل في حياتي كثيراً ،،، ولا أخجل من هذا الاعتراف لأن تجاهلي لا امنحه ولا اسكبه الا على من يستحقه
تاريخ التسجيل : 30/12/2008

مُساهمةموضوع: على إسم مصر   الأربعاء فبراير 02, 2011 9:21 am

على اِسم مصر - صلاح جاهين


على اسم مصر التاريخ يقدر يقول ما شاء
وأنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة ف حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب
على اسم مصر


مصر النسيم في الليالي وبياعين الفل
ومرايه بهتانة ع القهوة - أزورها - واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوقفي الفراندة واسمها جولييت
ولما جيت بعد روميو بربع قرن بكيت
ومسحت دمعي في كمي ومن ساعتها وعيت
على اسم مصر



مصر السما الفزدقي وعصافير معدية
والقلة مملية على الشباك - مندية
والجد قاعد مربع يقرا في الجرنال
الكاتب المصري ذاته مندمج في مقال
ومصر قدامه اكتر كلمة مقرية
قريتها من قبل ما اكتب اسمي بإيديا
ورسمتها في الخيال على أبدع الأشكال
ونزلت أيام صبايا طفت كل مجال
زي المنادي وفؤادي يرتجف بجلال
على اسم مصر
النخل في العالي والنيل ماشي طوالي
معكوسة فيه الصـور - مقلوبة وانا مالي
يا ولاد أنا ف حالي زي النقش في العواميد
زي الهلال اللي فوق مدنة بنوها عبيد
وزي باقي العبيد باجري على عيالي
باجري وخطوي وئيد من تقل أحمالي
محنيه قامتي - وهامتي كأن فيها حديد
وعينيا رمل العريش فيها وملح رشيد
لكني بافتحها زي اللي اتولد من جديد
على اسم مصر



•·.·`¯°·.·• تـوقـيعـي •·.·°¯`·.·•



علـمـنى كــبـريـائــي ... أن أذل من أمامي بسكوتي .. بنظراتي .. بإبتسامتي .. بدون أن أتكلم او أنطق بحرف

فصمتي
قادرُ على تعذيبه


الرجوع الى أعلى الصفحة اذهب الى الأسفل
 
على إسم مصر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
•·.·`¯°·.·• (صوت القلوب) •·.·°¯`·.·• :: •·.·`¯°·.·• (المنتدى العام) •·.·°¯`·.·• :: كـلام النـاس-
انتقل الى: