علشان نخلى اعضاء المنتدى تصحي فكرة هايلة

السلام عليكم ورحمة الله وبركاته

جاى النهاردة بموضوع جامد اوى
هيصحصح المنتدى والاعضاء الى نامت فيه ديه
احنا هنعمل مسابقة فى المنتدى بس مش مسابقة فوازير والغاز
لا هنتبدى بمسابقة بين تلات اعضاء
كل واحد فيهم يكتب موضوع ادبى او قصة قصيرة ( حسب اختيار الاعضاء )
ويتناسفوا التلاتة ويدخل باقى اعضاء المنتدى يصوتوا للموضوع الافضل او الاختيار الاحسن
وانا هرشح اسمى انى ابدا كأول اسم
مستنى عضوين تانين يرشحوا اساميهم
بس بشرط لازم يكون الموضوع او القصة من نتاج الشخص نفسه مش مسموح النقل او الاقتباس
لازم يكون فكرته
ولازم يكون اسلوبه
ولازم تكون كلماته وكل حاجة بتاعته علشان المنافسة تبقى شريفة
ميبقاش فيها جوجل خالص
وممكن ان شاء الله لو الموضوع نجح نتوسع فيه شوية
ونخلى فى مواهب شعرية تتنافس او ابتكار عملى بس يكون الكاتب هو صاحب الفكرة للابتكار
وكلها موهب بتفيدنا
وممكن نخليه بطريقة شبه منتظمة
بس نشوف الاول نتيجة التجربة الاولى
فى انتظار باقى الترشيحات

فكره جامده ياهيرووووووو

بس انا مش برشح نفسي

ممكن ارشح سوووووووووووولي

مش قلتلك يهيرو انتا دماغك دى عسل مسمعتش كلامى

يبنى والله المنتدى دة يفخر انو فية واحد زيك

وانا معاك يهيرو ولو هيودونا المعتقل هههههههههههههههه

وانا المرشح رقم اتنين بس ياريت يخلو كل عضو من التلاته يكتب الموضوع الى يحبه

وميكنش منقول او بصورة منقوله

ياريت تكون من خياله سواء كانت قصة او فكرة او موضوع او شعر فى الحب

وكل الاعضاء هيختارو افضل موضوع

والى يخسر هيخرج بشرف

بس ياريت تتبنى على نظام ونحدد مكان معين تنكتب فية الموضوعات

وكل عضو يرد ميقلش رائع جد والكلام دة

هيقول تقييمه للموضوع بنسبة معينة يعنى

30% او 85%

كدة يعنى عشان نعرف ايهما افضل

ويكتب اية الاخطاء والعيوب فى الموضوع دة

ويكتب اية الافكار والمميزات برضة فى الموضوع

وانا بعتقد ان كلنا هنستفاد من كدة ودة الى احنا عيزينه

واجمل ما فى الفكرة انها تجرب وتعلم

شكرا

انتى داخلة ترشحى سالى يا انجل ههههههههههههههههههههههه

طيب عموما شكرا لموررك

لالا بجد يا ميدو ده كتير عليا اوى

وبجد فى ناس فى المنتدى احسن منى
عموما يشرفنى ان هتكون تانى اسم يرشح نفسه
وفى انتظار اخر متسابق

معاكووووووووووووووو

قكرة حلوة كالعادةةةةةةةةةةة يا هيرررروز

الفكره كميله يا هيروووز
وتستحق المشاركه

بس انا مش هشترك

ههههههههههههههههههههههههههههههه
هتفرج عليكم وابقى حكم كفايه

راحة فين دى

خدى يسالى انا متبرع ليكى بهاذا المنصب

ودى تيجى هو دخول الموضوع ذى خروجه

الحمد لله التلات اعضاء كملوا

هما 1) ميدو
2 ) ماريا
3 ) هيرو
دلوقتى هنبدا باول موضوع للمنافسة الشريفة بين الاعضاء
هنختار مجال القصة القصيرة نكتب فيه
هنعمل توبيك تانى فى المنتدى العام نحط فيه التلات قصص ممكن تبقوا تبعتوها ميل واحطهم التلاتة فى وقت واحد وفى توبيك واحد
لازم القصة والاسلوب وكل حاجة تكون فكرتك ومنك انت
ممنوع الاقتباس
هنكتب سؤال فى التوبيك الى هنحط فيه الموضوعات بتاعتنا زى تصويت مين افضل
مطلوب من كل الاعضاء فى المنتدى انهم يدخلوا ويرشحوا مين افضل بزاهة وفقا للاسلوب والقصة الاروع
هنسيب النهاردة للاستفسارت من قبل الاعضاء ومن قبل المشتركين
قدام المتسابقين خميس وجمعة وسبت لتجهيز القصة
وبعد كدة هنحطهم فى توبيك واحد فى المنتدى العام
اى اقتراحات اخرى ياريت تفيدونا بيها فى خلال الايام لغاية يوم السبت قبل ما نحط الموضوعات

ههههههههههههههههه

بتدبسنى يهيرو اوكى

بس ان شاء الله جتلى فكرة موضوع جميل ويارب يعجبكو

بس الاعضاء تصحى بدل شهر العسل الى احنا عيشين فية دة

وشكرا مرة تانية يهيرو

اة يا ميدو

حاسس ان اعضاء المنتدى واخدين اجازة من دراسة ومن كل حاجة
مش فاهم فى ايه
عموما فى انتظار تنفيذ فكرتك

خلي باك انا مش هنفع اشترك

هههههههههههههههههههههه

وانت داخل يا بيشو علشان تقولى مش هينفع اشترك

فكرة حلوة يا ولاد

يللا احنا مستنيين ابداعاتكم

بس اول ما تعملو المسابقة فى الشعر والزجل قولوا لى

عندى ليكم حبة خواطر اتمنى

انها يارب يا رب تعجبكم

ماريا انا معاكى من قبل ما تقولى موضوعك

معلشى يا ولاد لازم اتحيز للبنات

ههههههههههههههههههههههههههههه

ولاد ولاد ولاد
UYUI

شباب

معلش ياجماعة انا بنسحب لانى بجد معنديش وقت

مش مشكلة يا ماريا

هنبداها انا وميدو بس
موافق يا ميدو ؟

اوكى يهيرو

نبدء واعمل قسم نكتب فية الموضوعين

» برجاء دخول جميع اعضاء المنتدى
» علشان قولت احب
» علشان انت مصرى عاوز تموت ازاى ؟
» فكرة جديدة لمنتدانا
» فكرة جديدة لاعضاء صوت القلوب بمناسبة رمضان