كلام للبنات فقط ...ممنوع دخول الولاد هنا

**دلوقتي الموضوع دة عبارة عن دردشة بنات**

بنطرح كل فترة فكرة او موضوع اجتماعى، نفسى، بناتى، اسري،.....

بيهم البنات ونناقشه سوا وندردش فيه مع بعض ونتبادل الافكار

والموضوع للبنات وبس وتمنع مشاركة اى ولد بالموضوع

بس لو رخامه مش مشكله بقا هعمل ايه مه رخامه ههههههههههههههههه
لان المواضيع تخص البنات وبس

منتظرين رأى احلى بنات بالموضوع

وطبعا لو فيه مواضيع تحبوا تعرضوها او نتناقش فيها طبعا تكتبوا الموضوع هنا وان شاء الله نعرف رأيكم كلكم

ويا ريت كل قلب بنوته قمراية معانا تكتب رايها فى الموضوع



يا رب الفكرة تعجبكم ويا رب كلكم تشاركوا يا اعسل بنـات

وموضوع الفترة دي عن::



**صداقة الولاد والبنات داخل الجامعة او في المدارس أو على الشات**

ايه رأيكم في الموضوع دة من كل الزوايا؟؟

الدينية ، الاخلاقية والاجتماعية

هل دى حاجة صحية من وجهة نظركم

ولا شئ غلط لازم ينتهي

نظرتك لبنت واقفة من ولاد ف الكلية او المدرسة او حتى ف الشارع

تفتكري الولد الى بتكلمه على شات او ف الشارع او ف الدرسة او الكلية نظرته ليها ايه؟؟

بيحترمها؟

مقتنع اصلا من جواه انه فيه حاجة اسمها صداقة بينها وبينه ولا عارف انه غلط وبيتسلى؟؟

هل فعلا فيه صداقة من وجهة نظرك بين البنت والولد؟؟

وايه حدودها؟

لو انتى طالبة ف الكلية او قاعدة ف ساعة صفا فاتحة ميلك وجه واحد يتكلم معاكى ويفتح حوارات وعايز تبقوا اصحاب بكل صراحة ايه موقفك؟؟

بتعتبري كلام البنات والولاد ف الكلية والمدرسة شئ عادي وطبيعي ولا بتستحرميه؟؟

منتظرة ارائكم كلكم ف الموضوع يا احلى بنات

ويا رب موضوع الفترة دى يعجبكم



شكرااااااااااا ليكم

هنحدف عليكو طوب

احنا عيزين نشارك

طب خلاويص خلاويص انا موافقه
ههههههههههههههههههه
انا بخاف من الطوب والمايه الساقعه
خلاويص موافقه
ههههههههههههههههه
طب شاركوا بقا
ورونى شاطرتكم معايا بقا
هههههههههههههههههههه

مرسى يا ساندى ياعسل انتى على الكلام الحلو ده
وبشكرك تانى عشان تعبتك وجيبتك من بيتكم على ملا وشك كدا
وصحيناكى من النوم فى الساقعه دى
عشان تردى عليا
بس اعمل ايه بقا
متعبه طول عمرى
ادخل انام انا بقا
مش انتم صحيتوا
ههههههههههههههههههه
ودى ياسيتى انا منى ليكى عشان تعبتك معايا

انا رايى ان ممكن يبقى فيه صداقه بين ولد وبنت

بس تبقى صداقه فى حدود او لو صح التعبير

فى اضيق الحدود يعنى صداقه البنت بالولد

مش هتكون زى صداقتها مع بنت زيها

موضوع جميل بسبسه شكرا ليكى

هو انا عايز اتكلم فى نقطة

هل البنت سالت نفسها هى عايزة تتكلم مع شاب لية

هل عشان تحب وتتحب ولا عشان نفسها تتكلم مع شباب ولا اية

وهل الشاب سال نفسه هو عايز يتكلم مع بنات لية

الموضوع يرجع للنية

بس من خلال الواقع مينفعش لسبب وياريت محدش يزعل

انا لو رحت اتقدم لوحدة وسمعت انها ماشية مع فولان وبتكلم فولان

نظرتى ليها هتبقى مش كويسة وعمرى ماهفكر انى اتقدم لها

الا لو كنت زيها وبرضه مش هفكر انى اتقدم لها

وفى النهاية الموضوع بيرجع للنصيب

بس لازم نشوف نظرة المجتمع لان عليها رك كبير

هى وجهت نظر البنت انو شئ طبيعى انها تمشى مع شاب طرما فى حدود

طب هل وجهت نظر الشاب كدة انا معتقدش تماما

النقطة الى عايز اتكلم فيها ان اى بنت فى الدنيا عندها حياء

خروجها مع شاب بيضعف الحياء نفسه او كاد يكون بينهية

ومن هنا بيكون بنسبلها شئ عادى

نتكلم فى نظرة المجتمع

1/خروج الشاب مع بنت ميسؤش للشاب بس بيسؤ البنت والا مكنتش تدارى

2/البنت كويسة وانا مقتنع لانى اتعملت معاها

طب هل الى هيشوفك وانتى بتخرجى مع شاب عارف انك كويسة ولا لقة

اعتقد انه شئ صعب

3/ كل بنت قبل ما تتولد لها نصبها عند ربنا وكلنا عرفين كدة

فكون انها تتباها عشان تعجب شاب فيتقدم لها دة شئ خاطء

وشكرا يبسبس على الموضوع

بصراحه انتم مش مخلينى دلوقتى اعرف ارد
اولا كلام ميدو صح من وجهه نظره لانه ولد وهو الى يقدر يحدد وجهه نظر الشباب فى نظرته للبنت
وماريا العسوله رايك صح جدا احنا فعلا مش غنم ولازم يكون لينا راى فى اختيار شريك الحياه .
وفى النهايه عاوزه اوقول كلمه الردود مش خلصت والتعليق على الموضوع لسه اوبن بوفيه للنهايه
(ولكن الاختلاف فى الرائ لا يفسد للوز والبط قضيه)
وقاق بقا

بنسبة للنصيب

كلنا عرفين ان لا يعلم الغيب الا الله وربنا كتبلى انا هتجوز مين وهخلف منها مين

قبل ما اتولد الى هو(النصيب) فلو لفيت على بنات الدنيا كلها مش هتجوز غير الى ربنا كتبهالى

تقولى طب اعرف شخصيتو واعرف اسلوبو والكلام دة

من النظرية الواقعية مش هتعرفى شئ عن الشخص والشخص مش هيعرف شئ عنك لان الكل

بيدارا

والدليل زمان لا كانت بتعرف شخصيتو وكانت الحياة بتستمر

دلوقتى بتعرف( شخصيتو الكدابة) ولكن لا تستمر الحياة

بنسبة للمجتمع

كلمة غنم احنا بنرفضها قبل ما انتم بترفضوها

المرأة ليها احترمها وليها ادبها وليها حقوقها ومفيش اى نوع من الاختلاف فى دة

ولكن المرأة نفزت الاحترام خطء والادب خطء والحقوق خطء

بس هسأل سؤال

تقدرى تقولى المرأة خلقت لائ سبب والراجل خلق لائ سبب

الاجابة بتاع السؤال هى عقدة للكون كله

الراجل اتخلق راجل والمرأة اتخلقت مرأة

لو الراجل اخذ حقوق المرأة (هيبقا راجل ماسخ ملوش معنى)

ولو المرأة اخذت خقوق الراجل (هيبقا مجتمع زكورى)

المساواة الحقيقية ان المرأة تكون مرأة والراجل راجل فى كل شئ

هى دى النظرة الوحيدة الى هتعجب المجتمع لانها عادلة

مفيش شئ اسمه زمن ستينات وسبعينات ولو حتى بعد مليون سنة

بنسبة للأختلاط بين الراجل والمرأة

من الطبيعى ان لازم يكون فية اختلاط بين المرأة والراجل ودة شئ طبيعى

والمجتمع نفسه مبيعطردش فى كدة سواء فى العمل او الدراسة او فى المنتدى

وجميل جدا انك قلتى ان فية حدود

طب هل تطبق الحدود فى المجتمع

جميل جدا المناقشة معاكى ياماريا وشكرا يبسبس مرة تانية على جمال الموضوع

نورت الموضوع يا هيرووو
من حقك تقول رايك
ومن حقنا نتناقش فى رايك
وعلى فكرة رايك صح
محدش دلوقتى بيراعى العلاقه
زى الاول
العلاقه دلوقتى بقت فى انحضار
للاسف
نورتنى