يلا نبييع مصر ايه رايكم ؟؟

كنت اشاهد فيلم ( عايز حقى ) للنجم القدير هانى رمزى

وخطر ببالى فكرة اردت ان اتناقش معكم فيها
ان كان فعلا الدستور المصرى يكفل لنا حق بيع نصيب الفرد فى المال العام
ولو كان بيدك القرار
كنت ستقوم ببيع حققك فى وطنك ام ماذا ؟؟
هل يمثل مبلغ مليون ونصف دولار لك مبلغا كبيرا من اجل التنازل عن حقك فى وطنك
فتخيل ماذا ستفعل بذلك المبلغ
ام ترى ان حقك فى وطنك لايباع بملايين الدولارات
ارجو ان تكون ارائكم جيدة

انا هكتفى برد بسيط وهتفهم منو كتيرررررررررررر

مصر مش امى مصر مرات ابويا
للاسف ملناش حق فى البلد دى اننا نتصرف ف ممتلكاتنا وفى بلدنا البلد بتتباع بارخص من قيمتها الحقيقة
كل مسؤل يمسك منصب يلهف اد كدة ويبيع حتة من البلد ويطلع ويجى اللى بعدووو وهكذا لغاية مانلاقى البلد مش
بتاعتنا ومش بعيد ندفع ايجار على املاكنا الحل الوحيد انو يبقى فى ضميررررر وللاسف دة حل مستحيل
انو يتحقق حتى لو طلع مسؤل عندو زمة وضمير تلاقيه اتنطر بسرعة من مكانو لانو الضمير مش مطلوب اليومين دول

تبقى مرات ابويا ولالا ؟؟؟؟؟؟؟؟؟؟؟؟؟؟؟؟؟؟

مرات ابوكي

بس ليكي حق فيها وليها حق عليكي ع الاقل مانبيعهاش

نسيبها لحكمها ونحاول نغير من نفسنا كلنا عشان ربنا يعدلها ويصلح من حاال البلد

اكيد كتير مننا متهض ومظلووم ومتااكل حقه بجد وكتير اوووي كمان

بس الحمد لله رغم كل ده احنا احسن حال من غيرنا كتير

وكويس اوووي اننا لسه عاايشين فيها

وربنا يخلي لينا المنتخب الشئ الوحيد الي بيجمعنا

انا مش هابيع واتمنا غيري مايبعش حقه المفروض يسترد حقه ويحتفظ بيه

مش يبيعو ويرجع يندم عليه

ربنا يسترها من الي جااي

تحيااتي للجميع

دة كلام سلبى ومش واقعى مرة العيش بمسامير ومرة الضرايب ومرة تانية الانانبيب الناس بتموت

عشان انبوبة هنكون ايجابين ازاى احنا هنكون ايجابين بالكلام لكن الفعل مافيش مبقاش بأثر مع

حكومتنا لا مظاهرات ولا اضرابات البلد دى للاغنياء واصحاب المناصب العلياااااا عشان يدوسو

على محدودى الدخل والناس الفقر روح للناس اللى حالتهم تحت الصفر وقولهم الكلام دة وشوف

هيعملو ايه؟؟؟؟؟ مصر مبقتش زى زمان مبقتش بلد الخير مبقتش تحضن اولادها مصر بقت تدوس

على اولادها لو بتتفرج على برامج التلفزيون الحياة ولا 90 دقيقة هتعرف مصر على حقيقتها ولو

بتتفرج على برنامج واحد من الناس هتشوف الناس اللى بقولك عليهم حياتهم تحت الصفر

بدرجاااااااات ولو بتشوف برنامج بتاع المسلمانى يوريك الناس اللى بتسرق من البلد ملايين ومليارات

وتطير برررررة بتسهيلات من رجال الدولةةةة انا مش بقول نبيع بلدنا انا بقول يكون فى رقابة على الناس دى ويكون

فى رحمة للناس اللى بتعانى من الفقرر كفاية ظلم وسرقة وغش

السوال مجاوب نفسه لالالالالالالالالالالالالالالالالالالالالا طبعا ولا لو مللايرات الدينا
يلا نبييع مصر ايه رايكم ؟؟ 549137

احنا مش هنبيع البلد

الحمد لله كل شئ انباع فى المصالح العامة

سر البلد على الفضائيات

الرقصين والممثلين واللعيبة بقو هما العظماء الى بيمثلو البلد

ان طلع فنان او مبدع او مخترع اول شئ يقطعو فية زى اللعب جدو

احبطو الشباب لدرجة ان الموهبين والمفكرين كرهو نفسهم

الدكتور فى البلد بقا شغال على تكس دلو لقا شغل

الشهادة وتعب السنين بقت فى الادراج

البلد كلها بقت فيها عنوثة وبطالة ولسان منافقين

كل دة مش مهم

انتو عرفين اية الى خرج طه حسين وجمال عبدالناصر وام كلثوم واحمد زويل وعمر خيرت

رغم ان الناس دى كانت ظرفها اصعب مننا بكتير بس كانت متاح ليهم الفرصة

احنا عندنا كام ام كلثوم وكام من جمال عبد الناصر وكام من احمد زويل وكام وكام

بس ليست لهم فرصة واحدة طبعا عشان ( الكوسة والغباء)

زمان لو لقو اديب كانو يكبروه/ دلوقتى بيحبطوه ويقطعو فية وينسفوه

زمان لو لقو ام كلثوم كانو يكبروها /دلوقتى يرقصوها

زمان لو لقو احمد زويل يسفروه / دلوقتى بقا عميل لدول اجنبية

دحتى الغباء وصل لمنول جوزية بعد الى عمله مع الاهلى المفروض

انهم يكرموه ويخلوه يستمر بس لئسف خلعوه عشان محدش يكبر فى البلد دى

لكن لو كان فى بلاد الاجانب الى بتفهم كانو كرموه وعرفو يتعملو معاة

فى بلاد الاجانب( الى بتفهم )لما يشوفو انسان موهوب بيمسكو فية ويكبروه

عشان كدة طلع علماء ولعيبة ومفكرين عالميين وغيرهم شرفو بلدهم

فى بلدنا نفسى اعرف بيفكرو ازاى ولية بيعملو كدة

والى متى هذا الكم من الغباء والكوسة
س
لية ميخلوش الشباب تسافر ويسهلو ليهم السفر وييجو يعملو مشارييع فى البلد

الرد
لا طبعا هنصعب السفر جدا ولو جه هنعلى اسعار الاراضى وهنعلى الضريبة وهنكرهو فى نفسه

س
لية ميخرجوش الموهبين والفنانين واللعيبة الحقيقين وغيرهم ونساعدهم عشان يمثلو مصر بجد

ويدو فرصة لشباب انو يفكر ويبدع ويخترع زى غيرنا

الرد

امال ولاد الرقصين والوصايت والمعارف يروحو فين

س
فين الحكمة الى فى البلد

الرد

فى الكوسة

اخر حاجة

عايز اقول شوفو بلاد الاجانب تفكرهم وصلهم فين

ومش هقول الكوسة بس هقول الغباء وصلنا لفين

بجد

حسبنا الله ونعم الوكيل

لو كنت علمت غير ان الساكت عن الحق شيطان اخرس لما تكلمت

كلامكم جميل اوى يا جماعة

بس فعلا احنا بمزاجنا غصب عننا بنتباع
يعنى لو اخدتوا بالكم المصريين بقوا يملكوا ايه فى مصر
اغلب الوزارات والهيئات الى بتقدم خدمات للمواطن البسيط ملكية اجنبية
الكهرباء المياة انارة الطرق الرصف النظافة كله بقئ تابع لشركات اجنبية
انا خايف بعد كدة ليخصخصونا احنا كمان
ونتباع لشركات اجنبية

هههههههههههههه ياحسرة دول مخلوش فى المواطن المصرى ميزة عشان ينفع يتباع ويتخصخص

ههههههههههههههههههههههههههههه
لما الحكومه باعت البلد اصلا
لينا ايه فى مصر لسه هنبيعه
ما بقاش غير اننا نبيع نفسنا
وده بقى يحصل بقى سهل علينا نبيع اعضاءنا
وشرفنا علشان نعرف نعيش فى البلد دى
تحياااااتى للحكومه المصريه

يا جماعة مصر مش بلد وارض وعمارات وحاجات كده

عارفين يعنى ايه وطن

يعنى يوم ما تتالم تروح تترمى ف حضن النيل وتحكى له المك

شوفتوا كلكم لما الجزائر هانتنا كلنا حطينا ايدنا ف ايد بعض

قلنا ايه

قلنا لازم ناخد بحق مصر

لو عاوزين تعرفوا يعنى ايه مصر
شوفوا وقت الازمة

شوفوا قد ايه كلنا نسينا انفلونزا الخنازير وازمة الفلوس ونسينا كل شئ

افتكرنا شئ واحد بس

ان بلدنا اتهانت

طيب لو بيعنا مصر هنعيش فين ندور لينا على وطن ونفضل عايشين غرباء طولب العمر

يا جماعة والله مش شعارات

بس مصر دى معنى كبير قوى موجود جوانا بيطلع مع كل ازمة مش زنبها

ان حاميها حراميها

يعنى مش معنى ان العمارة اللى انت ساكن فيها البواب بتاعها حرامى يبقى العمارة وحشة ويلا نبيعها

عيب مصر مش انها مصر لالالالالالالالالالالالالالالالالالالالالالالالالالالا

عيب مصر ان نماذج سيئة مننا اساءت لها

بمعنى اصح

نعيب على زماننا والعيب فينا

وما لزماننا عيب سوانا

» ايه رايكم فى الى حصل بسبب ماتش مصر
» رايكم فى بنات النت ايه ؟؟
» الانسان الطيب عبيط رايكم ايه ؟؟
» ادخلوا شوفوا الفيديو ده وقولوا رايكم
» عايز رايكم ليه مصر نجحت فى تحقيق الانجاز ده