أيهما أصعب الأعتراف بالحب ام الأعتراف بالكره؟

[/size]

بجد موضوع رائع
الاثنين اصعب من بعض يا ساندي
يعني من الصعب جدا اني اعترف بحب لشخص
وفي الاخر الاقيه مش حاسس بحاجة
ومن الصعب اعترف بكراهيتي لشخص
عشان اخاف لااجرحو
وانا مش من طبعي اجرح حد
حتى لو هو جرحني

هل تستطيع أن تصارح الآخرين بمشاعرك تجاههم

سواء كانت مشاعر حب أو كره ..؟

** بتختلف حسب الموقف بالنسبة انى اصرح بحبى لحد صعب جدا ممكن اصرحلو بحبى بس من المعاملة لكن بالكلام صعب أما بالنسبة للكره انى اصارح حد بكدة اه ممكن لو انا على اخرى منو ممكن اقولو بكرهو فى وشو وميهمنيش يتجرح او يولع لكن لو انا بكرهو من غير مايعمل كدة مش هقولو كدا وعلى فكرة الكره دى صفة وحشة جدا وذنب كبير وبدعى ربنا انى ماقابلش حد اكرهو **

قد يشعر الشخص الذي يعترف بالحب كأنه تجرد من كل اقنعته

او كل ما كان يحمي خصوصيته، وكأنه ازاح الغطاء الواقي عن نفسه ..

اما بخصوص الكراهية، فهل تختلف ..؟!

**مينفعش نشبه المصارحة بالحب بالمصارحة بالكره لانى لو صارحت حد بالحب ممكن هوة يكون مستنى منى المصارحة دى وساعتها مش هحس بخجل لكن المصارحة بالكره هيا فعلا اللى تبقى ليها صفة تجرد من كل الاقنعة وازاحة غطاء الوجه**

هل انت مستعد لتقل لشخص ما وجها لوجه بأنك تكرهه ..؟!

***لااااااااااااااااااااااااااااااااااااا وعلى حسب الموقف برضو***


هل تستطيع ان تكون صريحـا او صريحة حتى النهـاية وتشرح للشخص

الذي اخبرته بكراهيتك له لماذا صرت تكرهه ..؟!

**لازم اقول سبب كرهى ليه عشان يفوق ويغير من نفسو**

هل تملك الحجج والشجاعة لمثل هذه المواجهة ..؟!

**الى حدا ما وعلى حسب تعاملى مع الشخص دا**

ايهما اصعب ان تعترف بالحب ام تعترف بالكراهية لشخص ما ..؟

**الاعتراف بالكراهية أأصعب طبعا والاعتراف بالحب صعب نسبيا لان هيكون فى نسبة خجل**
ســــــاندى

جميل جدا ساندى
بس يمكن انا بختلف معاكم شويه
انا شخصيا وعن نفسى صعب جدا
اعترف بالحب لاى شخص مهما كان حبى ليه
الا كان يستحق هذا الاعتراف ويقدره ويبادلنى هذا الحب
اما الكره فحسب الشخص
لو الشخص لا يهمنى فاكيد هقول له انا بكرهك وهقول له الاسباب
انما كان الشخص مهم عندى فاكيد مش هيكون كره للشخص
وانا هيكون كره لتصرفه
واعتقد فى هذه الحاله لن اتكلم
فالحب والكره صفه من صفات البشر
ولكن الاهم بقى
من الشخص الذى يستحق الحب
ومن الشخص الذى يستحق الكره
ثاااااااااااااانكس
بحبك سااااندى

موضوع جميل بجد
انا عن نفسى الحب بجد مش اقدر اقول
للى بحبو انى بحبو بسهوله
اما الكره الحمدلله عمرى ما كرهت حد
ممكن يكون زعل من حاجه عملها
ودا عمرى ما ترددت اقولو علشان لو شخص بحبو
يبقى اكيد هعاتبو واعرف ليه هوا عمل كدا
اما لو شخص عادى مش هعاتبو
لان عتاب الندل اجتنابوهههههههههه
وتقبلى تحياتى

بجد يا ساندى مواضيعك كلها جامده جدا
شكرا ليكى


انا من الصعب انى اعترف لحد بحبى ليه يعنى شايفه ان مينفعش البنت تعترف بحبها الا اذا هو فعلا بيحبها واعترفلها الاول

لان ده ممكن يجرح كرامتها جدا ولو اللى قدامى بيحبنى ومتاكده من كده وفيها ايه لما اقوله وانا كمان لانه يستحق منى كده بس اكيد هيبقى فى نوع من الخجل والخوف
اما بالنسبه للكره فاكيد اللى انا بكرهه يستحق كده واكيد هو اذانى فى حاجه وهو هيكون عارف انى بكرهه من غير ما اقولها ليه لكن لو واحد بيحبنى مستحيل هكرهه اكيد هكون بحبه وممكن يكون فى حاجه فى تصرفاته مثلا تضايقنى ساعتها هحاول اشرحله انى مضايقه من حاجه لكن من الصعب انك توصل لحد الكره مع حد حبك بصدق
من السهل قوى تقول انا بكرهك لانه اكيد مش يهمك فى حاجه وهو يستاهل كده
من الاخر يولع بجاز
لان فعلا القلوب عند بعضها واللى يحافظ على شعورك لازم تحترمه وتحافظ على شعوره لكن الانسان اللى يوصلك لحد الكره
اكيد يستحق انك تقولهاله فى وشه

السلام عليكم
بقا
بصراحة احب ان اقول راى فى هذا الموضوع
انا متفق مع سالى فى الراى مع شوية اختلافات
بما انى ولد
لو حبيت انسانة شور هااعترفلها بحبى دة
لكن مقدرش اعترف فى حالة واحدة لو الانسانة دى مرتبطة بحد
الكرة
فى جميع الحالات لازم اواجة الشخص اللى قدامى
مش كرة بمعنى الكرة
لكن
ان هو شخص فى عيوب فا مش هااجاملة
فاهااقولة على كل شى جوايا ناحيتة
لما اصارحة لحد ما يتعدل
لانى مش بحب المجاملة
وشكرا
تسلم ايدك على الموضوع

من الافضل عدم الاعتراف بالحب او الكراهية

ومعتقدش ان لو اعترفت باحدهما هكون مرتاح

يعنى
لو اعترفت لوحدة انى بحبها ممكن تكون مبتحبنيش

ودى صدمة لية او ممكن تكدب عليا بالحب وعيش معها قصة كدب وهمية

ولو اعترفت لحد انى بكرهو ممكن بعد كدة نكون احباب

لاكن هو عمرو مهينسا انى قلتلو انى بكرهو قبل كدة

فمن الافضل عدم الاعتراف بالحب او الكره

وكلمة اخيرة ملخصة


الكره والحب احساس من الافضل انى انقلو للشخص احساس ذى ما هو

ودة اجمل اعتراف