حصريا هيرو على كرسى الاعتراف

بعد فرز الاصوات تم الاتى
موووووووووولتو 3 اصوات
نووووووجا 1 صوت

هيرووووووو 4 اصوات

ونظرا لظروف الجو والاعصار تم

اختيار الاستاذ الدكتور هيرو
للجلوس على كرسى الاعتراف

ونظرا لانقطاع النت عند الاستاذ موووووولتو
سيتم تاجيله لكرسى اخر

يتفضل الاستاذ حماااااده هيرو
للجلوس على الكرسى والاجابه على كل الاسئله بكل صراحه
ووضوح ومن غير فزلكه والنبى
علشان بتوع الادبى يفهمو اللى زى حلاتى

:30:

زائر

يا حلاوتنا احنا التلاتة واشتراكنا في حرف الوووووووووووواو ده
يلا هنتكتكلك ونرتبلك كده كام سؤال يا هيرووووووو
تقبل تحيات نووووووووجا المفترية علىراي بسبوسة

احم احم
وسؤالى ليك هو
اولا عرف نفسك
ثانيا مثلك الاعلى مين؟
ثالثا هل انت راضى عن نفسك؟
رابعا ايه اللى نفسك تصحى بكره تلاقيه اتحقق؟
خامسا وايه هى احلامك ؟
سادسا هل انت بتخاف من المستقبل؟
كفايه عليك السؤال دا دلوقتى :FF:

منور يا دكتور هيرو الكرسى والله
ده انا من زمان يا راجل نفسى تقعد عليه
طبعا انا هبتدى حاجه كده بسيطه
علشان نسخن بس

ايه رايك فى الحب عموما
والحب عن طريق النت
ماذا تعنى لك الكلمات الاتيه
الصداقه
الخوف
الكراهيه
الخيانه

ماذا يعنى الحب الاول
وهل الحب الاول له تاثير على الحب الاخير

وغدا القااااااااااااااااااك يا هيرو

[][p

دكتور في اية بظبط مش تقول اللي انت دكتور ولا احنا اخر من يعارف

وتعرفنا بيك
ههههههههههههههههه
كم مره حبيت؟
كم صديق عندك
كم ساعه على النت تجلس
تحب \يالحيوانات(القطط)؟
س - كيف يمكنك التمييز بين هدايا الحب الودية , وهداياه لما يكون عامل عملة؟
باقة ورد لمن تهديها ...؟؟
باقة شوك لمن تهديها ...؟؟
اسوأ خبر سمعته...
شخص لاترفض له طلبا ..؟؟

مـــــن يطـــــربك ...؟؟

ماهي التجربه التي تتمنى تكرارها ...؟؟

من هو توأم روحك ...؟؟

- ماهو اكثر شئ تخشاه...؟؟

- مالذي يشعرك بأكثر قدر من الحرج...؟؟

- نزار شاعر المرأه.... وانت شاعر من ...؟؟

- حمامة زاجل استقرت على نافذتك تحمل رسالة من مجهول فممن تتمنى ان تكون...؟؟

- جريمه تتمنى ارتكابها...؟؟

- قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟

- كلمه اخيره .. بعد ان اصابك الملل..؟؟

شكرا يا سالى للمقدمة الحلوة ديه

ونردهالك فى الافراح ان شاء الله

موضوع: شكرا ساندى الإثنين مارس 02, 2009 10:43 am

اولا عرف نفسك
الاسم : محمد
السن : 19
الدراسة : تجارة خارجية

ثانيا مثلك الاعلى مين؟
الرسول صلى الله عليه وسلم ثم والدى

ثالثا هل انت راضى عن نفسك؟
الانسان عندما يكون راضى عن نفسه يكون على خطا

رابعا ايه اللى نفسك تصحى بكره تلاقيه اتحقق؟
ارتبط بالانسانه الى بحبها

خامسا وايه هى احلامك ؟
كتير
1 ) الهداية
2 ) احقق النجاح فى حياتى
3 ) اقضى حياتى مع الانسانة الى بحبها
كفاية كدة

سادسا هل انت بتخاف من المستقبل؟
لو مخفتش من المستقبل يا ساندى مش هقدر اخطط ليه كويس ومش هكون ناجح فى حياتى فى اى حاجة

بس بتفرق فى نوع الخوف

موضوع: شكرا سالى الإثنين مارس 02, 2009 10:53 am

ايه رايك فى الحب عموما
وجع قلب

والحب عن طريق النت
فيه الحب الحقيقى وفيه التسلية بيتوقف على الطرفين نفسهم .

ماذا تعنى لك الكلمات الاتيه
الصداقه : سر الوجود فى الحياة

الخوف : مبحبش اعرف الاحساس ده

الكراهيه : نار تؤدى الى هلاك صاحبها ( فالنار عندما لا تجد ما تاكله تاكل نفسها )

الخيانه : رصاصة العذاب للانسان الطيب ورصاصة الرحمة للانسان الخائن

ماذا يعنى الحب الاول :

الحب الاول بالنسبة لكثيرين هو الحب الحقيقى اما بالنسبة لى فهو دائما فاشل

وهل الحب الاول له تاثير على الحب الاخير :

لا

كم مره حبيت؟
مرة واحدة حقيقية واحمد الله عليها

كم صديق عندك
الكثير والكثير ولكن اصدقاء حقيقين القليل جدا

كم ساعه على النت تجلس؟
ما لا يقل عن ثلاث ساعات يوميا

تحب \يالحيوانات(القطط)؟
احب الحيوانات نعم

س - كيف يمكنك التمييز بين هدايا الحب الودية , وهداياه لما يكون عامل عملة؟
اميزها من احساس الانسان الذى يهديني الهدية

باقة ورد لمن تهديها ...؟؟
لامى

باقة شوك لمن تهديها ...؟؟
لا احد

سوأ خبر سمعته...؟
وفاة شخص احبه

شخص لاترفض له طلبا ..؟؟
ههههههههههههههه
علشان ابقى حقيقي وصريح وواضح
مفيش انسان مبرفضلوش طلب
بحب الرفض هههههههههههههههههه

هيرو طلع الكرسى

ههههههههههههههههههههههههههههههههههههههههههههههههههه

ههههههههههههههههههههه

هاف انيس تايم

هههههههههههههههههههههههههههه

وبدون ذكر اسماء

امضاء

بسبوسه

موضوع: شكرا يا حنان الإثنين مارس 02, 2009 11:11 am

مـــــن يطـــــربك ...؟؟
عمرو دياب

ماهي التجربه التي تتمنى تكرارها ...؟؟
النجاح

من هو توأم روحك ...؟؟
صديقى الانتيم

- ماهو اكثر شئ تخشاه...؟؟
الله سبحانه وتعالى فى المقام الاول
ثم المستقبل والفشل

- مالذي يشعرك بأكثر قدر من الحرج...؟؟
عندما يعترضنى سؤال بسيط وسهل من طفل صغير ولا املك الاجابة عليه ( وما اكثر تلك المواقف )

- نزار شاعر المرأه.... وانت شاعر من ...؟؟
شاعر شبرا هههههههههههههه

- حمامة زاجل استقرت على نافذتك تحمل رسالة من مجهول فممن تتمنى ان تكون...؟؟
حبيبتى

- جريمه تتمنى ارتكابها...؟؟
بصراحة اقتلك على الاسئلة ديه هههههههههه

- قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟
هرسم حاجة تدل على تاريخ مصر وهكتب تحتها عبارة بحبها جدا
هذا ما قدمه اجدادك لك فما قدمت انت لاحفادك

- كلمه اخيره .. بعد ان اصابك الملل..؟؟

حسبى الله ونعم الوكيل
اشوفك فيك اسبوع يا الى فى بالى
مش يوم لا اسبوع

[/center]

ده انا اللى فى بالك
ههههههههههههههههههههههههههههههه
ههههههههههههههههههه
ماشى يا دكتور
اشوفك بعد اسبوع

اشوف فيكي شهر مش اسبوع

ههههههههههههههههههههههههههههه

انا اشوف فيك شهرين يا دكتور
ههههههههههههههههه

منوه ودك تضارب وياه في المنتدى ؟؟

عضو توقيعه روعه..( )

عضو نشيط... ( )

عضو رزه... ( )

عضو مفقود... ( )

عضو تفرح بوجوده .. ( )

عضو تحسه واثق من نفسه ... ( )

عضو داخل مزاجك ... ( )

عضو يغيضك .. ( )

عضو تتمنى تلقتي به ... ( )

عضو مثقف... ( )

عضو تخاف يوم أتشوف اسمه موجود..( )

عضو ودك تغير اسمه ... ( )

عضو ودك تعرف معنى اسمه ... ( )

عضو تحس انه شيبه... ( )

عضو ودك تتضارب معاه ... ( )

عضــو تحس أن فيه خــمول (كسل ) ... ( )

عضــو يجذبـك بأسلوبه وطريقـة ردوده ... ( )

عضـو أحيانا ينرفزك بـ ردوده ...( )

عضو ودك تقول له صح لسانك .. ( )

عضو أتحس انه طموح ... ( )

عضو تحس انه لووووووتي...( )

عضو تحسه طفولي .. ( )

عضــو يناسبه لـقب المحبوب ... ( )

عضو تقوله (( ماينساك أبد قلبي )) ... ( )

عضو تقوله (( الله يسامحك )) ..

من اعز ربعك في المنتدى؟

موضوع: شكرا حنان الإثنين مارس 02, 2009 11:03 pm

منوه ودك تضارب وياه في المنتدى ؟؟

انتى ههههههههههههههههه

عضو توقيعه روعه..( )

علا

عضو نشيط... ( )

ساندى

عضو رزه... ( )

احم احم يعنى ايه رزة

عضو مفقود... ( )

سارة ساسو مسجلة ومش بتدخل رغم ان مشاركتها حلوة

عضو تفرح بوجوده .. ( )
هيرو حمادة

عضو تحسه واثق من نفسه ... ( )

ساندى

عضو داخل مزاجك ... ( )

علا فى القسم الاسلامى داخلة مزاجى لانها نشيطة ومواضعها حلوة جدا

عضو يغيضك .. ( )

انتى يا حنان غيظانى باسئلتك

عضو مثقف... ( )

شريف

عضو تخاف يوم أتشوف اسمه موجود..( )

مفيش حد

عضو ودك تغير اسمه ... ( )

zarba7a

عضو ودك تعرف معنى اسمه ... ( )

do2roma

عضو تحس انه شيبه... ( )

مولتو

عضو ودك تتضارب معاه ... ( )

عضوة اسمها حنان تعرفيها

عضــو تحس أن فيه خــمول (كسل ) ... ( )

لا ملحظتش على اى عضو كدة

عضــو يجذبـك بأسلوبه وطريقـة ردوده ... ( )

ساندى اسلوبها جميل وردودها فعالة جدا

عضـو أحيانا ينرفزك بـ ردوده ...( )

لا مفيش لان كل اعضاء المنتدى بيحبوا الهزار جدا ودمهم خفيف جدا

عضو ودك تقول له صح لسانك .. ( )

نور

عضو أتحس انه طموح ... ( )

ساندى
عضو تحس انه لووووووتي...( )

احم احم ايه الاحراج ده يا حنان

عضو تحسه طفولي .. ( )

من غير زعل يعنى اسلوب ساندى فى الهزار شبيه بالاطفال شوية بس جميل جدا

عضــو يناسبه لـقب المحبوب ... ( )

مولتو اعتقد انه اكتر واحد محبوب وبصراحة هو يستحق الحب ده

عضو تقوله (( ماينساك أبد قلبي )) ... ( )

هو عارف نفسه من غير ما اقول

عضو تقوله (( الله يسامحك )) ..

انتى منك لله على الاسئلة ديه

من اعز ربعك في المنتدى؟
كل الى فى المنتدى سؤاء كنت اعرفهم ولا
بس اكتر اربعة هما
1 ) ساندى
2 ) سالى
3 ) بسبوسة
4 ) نور

واخيرا احب اقول ان ده مجرد حكم عن طريق المشاركات والمواضيع بس فياريت لو اجابتى ضايقت حد ميزعلش منى
ومنك لله يا الى فى بالى

زائر

انا مش هتقل عليك يا هيرو
تقول ايه لكل عضو من اعضاء المنتدى
كل واحد باسمو

بنقدم السبت عشان نلاقي ايام الاسبوع بقى

احم احم
جيييت تانى
اوعى وشك
سؤالى ليك النهارده هو
اولا لو عرفت انك هتوت بعد 10ساعات
هتعمل ايه فيهم اوصفلنا ساعه ساعه
بعد الشر عنك طبعا
ثانيا فى خمس جمل ممكن تعرفنا بنفسك اكتر
ثالثا ايه الثلاثه اشياء اللى بتكرهم جدا فى الحياه؟
رابعا ايه اللى ثلاث اشياء اللى بتحبهم جدا فى الحياه؟
خامسا كم مره حسيت انك مالكش لازمه فى الحياه؟مع ذكر المواقف؟
سادسا كم مره حسيت انك شخص مهم ومسؤل وليك كيان فى الحياه؟مع ذكر المواقف؟
كفايه عليك السؤال دا
معلش اصلى بحب اسدسهم

noja كتب:: انا مش هتقل عليك يا هيرو
تقول ايه لكل عضو من اعضاء المنتدى
كل واحد باسمو
بنقدم السبت عشان نلاقي ايام الاسبوع بقى

هههههههههههههههههه

حرام الى بيحصل ده
نوجا ياريت تحدديلى اسماء معينة اقول رايي فيهم
انا مش عايز باقى ايام الاسبوع
انا بحب السبت بس

موضوع: شكرا ساندى الثلاثاء مارس 03, 2009 1:41 am

لو عرفت انك هتوت بعد 10ساعات ؟؟

بصى يا ساندى علشان اكون صريح معاكى ومن غير كذب فى اى حاجة
هقولهم ساعة ساعة
الساعة الاولى : هودع اقرب الناس ليا
الساعة التانية : هودع اهلى وامى وابى
الساعة التالتة : هودع اصحابى
الساعة الرابعة : هعتذر لكل انسان زعلان منى فى حاجة
بعد كدة هقضيها صلاة وقراية قرءان لغاية ساعة الموت

ثانيا فى خمس جمل ممكن تعرفنا بنفسك اكتر؟
مش عرفت نفسى قبل كدة
طيب يا ساندى هعرف نفسى تانى
الاسم : محمد سعيد
السن : 19 سنة
الدراسة : طالب بكلية تجارة خارجية جامعة حلوان
محل الاقامة : شبرا
الهوايات : الرياضة والقراءة والنت
كدا خمس جمل مظبوط كدة

ثالثا ايه الثلاثه اشياء اللى بتكرهم جدا فى الحياه؟
1 ) الكذب
2 ) الخيانة
3 ) الوداع
وفى حاجة رابعة مكسوف اقول عليها وهى محشى البتنجان ههههههههههههههههههههههههههه
رابعا ايه اللى ثلاث اشياء اللى بتحبهم جدا فى الحياه؟؟
1 ) الامانة
2 ) الصدق
.3 ) النت والعربيات
خامسا كم مره حسيت انك مالكش لازمه فى الحياه؟مع ذكر المواقف؟
اممممم
بصى يا ساندى انا حسيت انى مليش لزمة لما بيكون فى مشكلة وانا مش قادر اعمل حاجة اوا اساعد حد
لكن بجد بجد مواقف دلوقتى مش فاكر بس وعد قبل ما ينتهى كرسى الاعتراف بتاعى ان شاء الله هكون افتكرتك حتى ولو موقف واحد
سادسا كم مره حسيت انك شخص مهم ومسؤل وليك كيان فى الحياه؟مع ذكر المواقف؟
لما بحس انى مهم فى شغلى بس برضه المواقف مش فاكر
معلش يابنتى بقئ الشن يابنتى
انا بقيت ادك جدك خلاص
هههههههههههههههههههه

هيررررو بجد زى العسل انت
ممكن تفضل لبقيت الشهر على الكرسى
بلييييييييييييييييييييز

وانا مش هتقل عليك
سؤالين على الماشى
هههههههههههههههههههههههههه

مدرس لازال في ذاكرتك .. ولماذا؟
- مواد دراسية تحبها كثيرا ؟
- مواد دراسية تكرها كثيرا؟
- حدد بالضبط موقع جلوسك في الفصل؟
- ماهي احب المراحل الدراسية الى نفسك؟
- ماهو ابرز عقاب مر عليك طوال فترة الدراسة وباي سنه؟
- هل حصلت على شهادات تميز خاصة وفي أي سنة؟
- سنة دراسية تعد هي الأجمل في حياتك؟
- موقف محرج حدث لك في المدرسة؟

موضوع: شكرا بسبوسة الثلاثاء مارس 03, 2009 10:52 am

ههههههههههههههه

لا يابسبوسة الاسبوع بتاعى قرب يخلص اصلا

مدرس لازال في ذاكرتك .. ولماذا؟

كثيرا جدا ولكن الاكثر استاذ اللغة العربية فى مرحلة الثانوية العامة
علشان كان دايما بيجبلى هدايا ههههههههههههههههه

- مواد دراسية تحبها كثيرا ؟

الكمياء والفيزياء مع انى كنت ادبى ههههههههههه وبحب التاريخ جدا

- مواد دراسية تكرها كثيرا؟

الانجلش رغم ان كليتى بتعتمد عليه شبه اعتماد كلى وبكره مواد الادارة كلها

- حدد بالضبط موقع جلوسك في الفصل؟

دايما فى اخر الفصل عمرى ما قعدت ادام ولا مرة ههههههههههههههه

- ماهي احب المراحل الدراسية الى نفسك؟

المرحلة الثانوية كانت احلى مرحلة

- ماهو ابرز عقاب مر عليك طوال فترة الدراسة وباي سنه؟

ابرز عقاب كان مدرس عربى فى تالتة ثانوى كتب بيت شعر على الصبورة وطلب مننا نعربه والفصل كله طلع معرفش يعربه راح خالع عصاية الدكة وضربنا كل واحد 10 عصيان هههههههههههههههههه
كنا خارجين بندعى عليه

- هل حصلت على شهادات تميز خاصة وفي أي سنة؟

بصراحة لا هههههههههههههههههههه

- سنة دراسية تعد هي الأجمل في حياتك؟.

السنة الحالية الى انا فيها

- موقف محرج حدث لك في المدرسة؟

كتير هههههههههههههههه
بس مرة كنت داخل المدرسة فى تانية ثانوى الصبح ومكانش ليا نفس احضر
فقررت اروح وطبعا اكيد مش من الباب من السور طبعا
وبنط من على السور بعد الحصة الاولى لقيت المدير بتاع المدرسة واقف برة وموقف ييجي 20 طالب ومذنبهم فى الشارع وكل الى ينط من على السور يوقفهم جمبه ومستنينا واحد واحد
كان موقف جامد هههههههههههههههههههههه

هههههههههههههههههههههههههههههههههه

منور والله يا حمااااااااده

بقى انا مثقف

والله رفعت من روحى المعدنيه

ردودك روووووووووووعه يا مااااااااااااااااااان

سوالى بقى ده اذا كان ممكن غصب عنك

هههههههههههههههههه

ازاى اذا كان ممكن وازاى غصب عنك ده اول سوال؟؟

ههههههههههههههههههههههههههههه

الى اى حد انت رومانسى؟؟؟؟؟؟؟؟؟؟؟؟؟

اد ايه بتحب نفسك واد ايه بتحب حبيبتك اللى هى نفسك وروحك بردو؟؟؟؟؟؟؟؟؟؟؟

لو عايز تقولى حاجه هتقولى ايييييييييه؟؟؟؟؟؟؟؟؟؟؟؟؟؟

تقول مين يا مااان عيب عليك؟؟؟؟؟؟

وتقول لمين وربنا وحشتنى اوى؟؟؟؟؟؟؟؟

وتقول لمين نفسى اشوفك كل يوووووم؟؟؟؟؟؟؟؟؟؟

من وجهت نظرك ايه تعليقك ع المقوله اللى بتقول البلد دى احسن من غيرها؟؟؟

تتوقع لو انا هوصفك هوصفك باايه؟؟؟

..

وشكراااااا يا حبييييييبى مش هتقل عليك

هههههههههههههههههههههههههههه

[][p

شريف

والله يا هيرو منور كرسى السفره بتاعنا
الله عليك يا دكتور
ممكن احجز مستعجل
هههههههههههههههههههههههههههههههههه
بص يا حج
تقول لمين العبارات الاتيه

انا ماليش غيرك

لو انت اخر واحد مش عاوز اعرفك

لو تطلب روحى مش خساره فيك

انت الامان اللى محتاج اعيش فيه

انت توءم روحى

ما ليش حبيب بعدك

اتعلمت منك كتير

هسيبك للزمن

البعد عنك غنيمه

خاين ومالكش امان

بحبك موووووووت

وغدا نلتقى فى سؤال اخر

سلااااااااااااااااااااموز

موضوع: شكرا شريف الأربعاء مارس 04, 2009 10:27 pm

[size=25]منور والله يا حمااااااااده
بنورك يا صاحبى

بقى انا مثقف

والله رفعت من روحى المعدنيه

لو مضايق تعالى اشرب صافى اهيه ههههههههههه
ردودك روووووووووووعه يا مااااااااااااااااااان

ربنا يخليك يارب
سوالى بقى ده اذا كان ممكن غصب عنك

هههههههههههههههههه

ازاى اذا كان ممكن وازاى غصب عنك ده اول سوال؟؟

ههههههههههههههههههههههههههههه

علشان هو كدة بالظبط هههههههههههههههه
الى اى حد انت رومانسى؟؟؟؟؟؟؟؟؟؟؟؟؟

لحد رومانسية العقل

اد ايه بتحب نفسك واد ايه بتحب حبيبتك اللى هى نفسك وروحك بردو؟؟؟؟؟؟؟؟؟؟؟

بحب نفسى الحب العادى جدا اما حبيبتى بحبها اكتر من نفسى

لو عايز تقولى حاجه هتقولى ايييييييييه؟؟؟؟؟؟؟؟؟؟؟؟؟؟

دمك خفيف بجد يا شريف وان شاء الله نبقى اصحاب

تقول مين يا مااان عيب عليك؟؟؟؟؟؟

مش لحد
وتقول لمين وربنا وحشتنى اوى؟؟؟؟؟؟؟؟

لحبيبتى
وتقول لمين نفسى اشوفك كل يوووووم؟؟؟؟؟؟؟؟؟؟
ههههههههههههههه
ملكش دعوة

من وجهت نظرك ايه تعليقك ع المقوله اللى بتقول البلد دى احسن من غيرها؟؟؟

انا واحد من الناس الى بتقول كدة بس لو اطلب تعليقى هقولك اخرج جرب برة علشان تتاكد ان البلد ديه احسن من غيرها

تتوقع لو انا هوصفك هوصفك باايه؟؟؟
لا السؤال ده صعب اجاوبك عليه لانى مش اعرفك ولا اعرف عقلك وتفكيرك وشخصيتك علشان اقولك
وشكرا لاسئلتك الحلوة ديه
..

[/size]

والله يا هيرو منور كرسى السفره بتاعنا
الله عليك يا دكتور
ممكن احجز مستعجل
هههههههههههههههههههههههههههههههههه

لا مش ممكن مبكشفش على بنات
ههههههههههههههههههههههههههههههههه

بص يا حج
تقول لمين العبارات الاتيه

انا ماليش غيرك

لحبيبتى

لو انت اخر واحد مش عاوز اعرفك

مش لاى حد خالص

لو تطلب روحى مش خساره فيك

احم احم
ملكيش دعوة يا غلسة

انت الامان اللى محتاج اعيش فيه

السرير هههههههههههههههههههههههه

انت توءم روحى

صاحبى الانتيخ

ما ليش حبيب بعدك

هنبدا فى الفضول بقئ
هعاكسك واقولك انتى يا سالى
يلا اى خدمة ده مش حب فيكي
ده علشان تعرفى ان فى حد معبرك ههههههههههههههه

اتعلمت منك كتير

لابويا

هسيبك للزمن

للحب الاول

البعد عنك غنيمه

لآنسان اعرفه هوايته يفرق بين الناس
خاين ومالكش امان

واحدة صاحبتى اعرفها من طبعها الخيانة فعلا

بحبك موووووووت

حبيبتى

وغدا نلتقى فى سؤال اخر

سلااااااااااااااااااااموز
مع السلامة يا سالى وخلى بالك من نفسك بقئ ولما توصلى البيت رنى عليا ومتركبيش ميكروباصات وامشى جمب الرصيف بقئ
هههههههههههههههههههههههههههههههههههه

هالووووووو هيرو مره اخرى
ايه يا راجل النور ده
يا خراشى بجد تحفه وانت على الكرسى
قمر قمر
يا اخواتى

نبتدى الاستجواب حالا
رفعت الجلسه

من أنت ؟ ومالذي تفعله هنا ؟؟

- لو قدر لك أن تدخل السجن فماهي القضية التي تتمنى ان تدخل بها إليه؟

- في يدك قنبلة يدوية وفي الأخرى وردة حمراء .. اين ستضع القنبلة وأين ستضع الوردة ..؟

- أختر منصباً واتخذ قرارا !

- لو كنت مرشدا سياحيا فى صحراء الربع الخالى من ستصطحب معك وتضيعه هناك، ولماذا؟

- أختر خمسة أعضاء وامنحهم ألقاباً !

- لو كانت الأيام هي الناس ، فأي يوم من أيام الأسبوع ستختار ليكون صديقك ، وأيهم عدوك ، ولماذا؟

ههههههههههههههههههههههه
استنى متفتكر انك فلت منى لسه انا موجوده هنا
vbbb

قبل اسمك ماذا تحب أن تكتب ؟

حقيبة اسرارك عند من تودعها ؟

أحد علماء النفس قال ذات مرة أنه باستطاعة الانسان العيش من دون اصدقاء .. ماذا ترى أنت ؟؟؟

أين تأخذك ذروة الغضب ؟

ما أجمل شيء في الاسلام ؟

لماذا لم تصبح مشهورا ؟

متى يعاندك النسيان ؟

متى يقسو قلبك ؟

هل حدث أن انتصرت على نفسك يوما وأحصيت عيوبك ؟

متى تخجل من نفسك ؟

في زمن البحث عن المادة ... عن ماذا تبحث أنت ؟

ضمن من تصنف نفسك سلبي ام ايجابي ؟

رتب هذه الكلمات حسب الافضليه لديك
الصحه _المال _الاولاد _الزوجه او الزوج _الحصول على اعلى المناصب _راحة البال

عندما يحتد النقاش وتحس انك تناقش موضوع لا جدوى من مناقشته لانه لن يتغير الوضع ماذا تفعل ؟

لو تفاجئت بخيانه شخص عزيز ايا كان كيف تتصرف معه

انت من مدينة تحبها وتعشقها بكل مافيها فاذكر مدينتك وعبر عنها بكلمتين فقط ؟

بالشفاااااااااااااااااااااااااااا
ههههههههههههههههههههههههههههههههههههه
تعيش وتاخد غيرها
vbbb

مع تحيات جمعيه رفع معنويات المعاقين

امضاء
بسبوسه

هههههههههههههههههههههههههههه
نظرا لطول الاسئلة سوف اقوم بتاجيل الاجبابات للمساء
وشكرا

موضوع: شكرا بسبوسة الخميس مارس 05, 2009 4:32 am

من أنت ؟ ومالذي تفعله هنا ؟؟

مجرد عضو بيشارك فى المنتدى فى عند سيادتك اعتراض؟

- لو قدر لك أن تدخل السجن فماهي القضية التي تتمنى ان تدخل بها إليه؟

اقتلك ههههههههههههههههههههههههههههههههههههههه

- في يدك قنبلة يدوية وفي الأخرى وردة حمراء .. اين ستضع القنبلة وأين ستضع الوردة ..؟

القنبلة هرميها على كل رمز لمرروز الفساد فى بلدنا والوردة هديها لطفل صغير

- أختر منصباً واتخذ قرارا !

رئيس الدولة واول قرار هاخده هو انى اغير الوزارة كاملة

- لو كنت مرشدا سياحيا فى صحراء الربع الخالى من ستصطحب معك وتضيعه هناك، ولماذا؟

هاخد معايا انسان بكرهه وعلشان انا حاليا مش كاره اى حد يبقى هروح لوحدى ههههههههههههههه

- أختر خمسة أعضاء وامنحهم ألقاباً !

ساندى : المتميزة
سالى : المرحة
بسبوسة : خفيفة الظل
نور : لمبة المنتدى
نوجا : المتفرية هههههههههههههه

- لو كانت الأيام هي الناس ، فأي يوم من أيام الأسبوع ستختار ليكون صديقك ، وأيهم عدوك ، ولماذا؟

الجمعة علشان اجازة ههههههههههههههههههههه

وعدنا بعد الفاصل
قبل اسمك ماذا تحب أن تكتب ؟

هيرو

حقيبة اسرارك عند من تودعها ؟

مع صديقى الافضل هيرو حمادة

أحد علماء النفس قال ذات مرة أنه باستطاعة الانسان العيش من دون اصدقاء .. ماذا ترى أنت ؟؟؟

يعيش فعلا ذلك ولكن فى عالم اخر غير عالمنا عالم غير عالم البشر
أين تأخذك ذروة الغضب ؟

بصراحة فى لعب الكورة هههههههههههههههه

ما أجمل شيء في الاسلام ؟

تسامحه وتعاليمه

لماذا لم تصبح مشهورا ؟

ربما لعدم ختيارى الطريق الاصح حتى الان

متى يعاندك النسيان ؟

فى الامور التى اتمنى نسيانها

متى يقسو قلبك ؟

عند الحق وعند الخوف على اقرب الناس لى

هل حدث أن انتصرت على نفسك يوما وأحصيت عيوبك ؟

كثيرا

متى تخجل من نفسك ؟

عند ارتكاب تصرفات خاطئة رغم اشادة الكثيرين بى

في زمن البحث عن المادة ... عن ماذا تبحث أنت ؟

النجاح فى كل شئ

ضمن من تصنف نفسك سلبي ام ايجابي ؟

ايجابى

رتب هذه الكلمات حسب الافضليه لديك
الصحه _المال _الاولاد _الزوجه او الزوج _الحصول على اعلى المناصب _راحة البال

راحة البال - الصحة - الزوجة - الاولاد -الحصول على اعلى المناصب - المال

عندما يحتد النقاش وتحس انك تناقش موضوع لا جدوى من مناقشته لانه لن يتغير الوضع ماذا تفعل ؟

اتوقف عن النقاش لا فى الجدال الكثير كل الطرفين خاسر

لو تفاجئت بخيانه شخص عزيز ايا كان كيف تتصرف معه

بالابتعاد عنه وان كان قريب لى جدا اعاتبه كثيرا ثم ابعد عنه

انت من مدينة تحبها وتعشقها بكل مافيها فاذكر مدينتك وعبر عنها بكلمتين فقط ؟

لا يوجد لها مثيل

والحمد لله جاوبنا وخلاص

عدنااااااا تانى يا قمر
يلا بقى يا عم حبه فرفشه
اهدى لكل عضو مقطع من اغنيه
بشرط تكون لايقه عليه من خلال معرفتك
الشخصيه او من خلال ردوده
ولا تقولى معرفش فلان ولا تقولى نسيت علان

من الاخر كده يلا حبه اف ام

ههههههههههههههههههههههههههههههه

وعلشان مش تتلكك وتقول حطى اسامى
هقولك مين
ساااااااااااندى
ساااااالى
بسبووووووسه
نوووووووجا
حنااااااااان
علااااااا
نيررررره
نووووووووووور
جناااااااااااات

موووووووووودى
مووووولتو
شيفوووووووو
صوت الخيانه
ميدو مشاكل

kkll

ازيك يا عم هيرو والله واحشنا انا جبتلك كام سؤال كدا قدم المقام
ايه سبب كرهك للخيانه حد خانك قبل كدا
اكتر عضو هنا هو قريب منك وانت قريب منو
لو حبيت تتغرب ايه السبب وهتروح فين وهتاخد مين معاك
تحب مساهمتك تكون ردود اكتر ولا مواضيع انت تكتبها
لو عايز تقول انك حبيت شخص بينا فى المنتدى هتقلها لمين
كفايه عليك كدا بس احنا كدا بنسخن بس هههههههه

انا جيييييييييت
سؤالى ليك
من صفات فتاة احلامك انها تكون روشه و لذيذه و اجتماعيه ولا هاديه و رقيقه؟
ايه اكتر الصفات اللى بتضايقك و تخليك تبعد عن بنت؟
ايه الصفات اللى تجذبك لبنت و تخليك معجب بيها؟
ايه الفرق بين البنت اللى انت عايز تتصاحب عليها و اللى انت عايز تتجوزها؟ و هل ممكن تتجوز بنت كنت مصاحبها؟
لو حسيت ان فى واحده معجبه بيك هتتقربلها و لا تنفضلها و تتقل؟

سورى نسيت سؤال اخير
قول رايك فى كل اعضاء المنتدى مميزاتهم وعيوبهم من خلال ردودهم ومواضيعهم
واهدى لكل عضو هديه مناسبه ليه
كفايه كدا

حلوة شوية الرواقة ديه يا سالى
ماشى ياقمر نخليها شوية اف ام تى منتدى
وجارى الاجابة

ساااااااااااندى

بعشقك : راغب علامة

ساااااالى

خش عليه : عماد بعرور ههههههههههههههههه

بسبووووووسه

العنب : سعد الصغير ههههههههههههههههههههههه

نوووووووجا

احلى منهم : ايهاب توفيق

حنااااااااان

تسالنى ليه : لؤى

علااااااا

بستناك : اليسا

نيررررره

تسلم : تامر عاشور

نووووووووووور

اة من عيناه : اصالة

جناااااااااااات

ساعات : حمادة هلال
موووووووووودى

العبد والشيطان : مش عارف بصراحة مين الكابتن الى بيغنيها ههههههههههههههههههه

مووووولتو

السلامو عليكو : حكيم

شيفوووووووو

تلات دقايق : بهاء سلطان

صوت الخيانه

ليلة عشق : نجوى كرم

ميدو مشاكل

المراية : شريين

طبعا ده مجرد اختيارات اغلبها عشوائى علشان مش عارف كل الناس معرفة جامدة يعنى لدرجة اهدائهم الاغانى

بس يارب الاغانى تعجبكم

موضوع: شكرا سارة الجمعة مارس 06, 2009 9:15 am

سااااااااااااااااااارة ازيك يا قمر ليكي وحشة
اهلا بيكي وبمشاركتك الحلوة
وسخنى براحتك كدة كدة ده اخر يوم ليا ههههههههههههههههههههههههه

ايه سبب كرهك للخيانه حد خانك قبل كدا

اى نعم جربت احساس الخيانة ده قبل كدة بس مش علشان جربته يبقى اكره الخيانة انا بكرها لانها صفة مذمومة وصفة زى ما وصفتها مش بتعمل دوشة كبيرة بس بتسبب جروح عميقة
ربنا يبعدنا عنها قولى امين يابت

اكتر عضو هنا هو قريب منك وانت قريب منو

الانسة الموقرة نعيمة مسخرة ههههههههههههههههههههههههههههههههههههههه
بهزر معاكى اقرب عضو قريب ليا هنا ساندى

لو حبيت تتغرب ايه السبب وهتروح فين وهتاخد مين معاك

اولا انا بتغرب كتير يعنى ياما سافرت عندك روحت اسكندرية والاسماعلية وبورسعيد
بس المكان الى دايما بروحله القناطر ههههههههههههههههههههههههه
بصى ياستى من غير هزار بقئ
لو حبيت اتغرب وان شاء الله مش هيحصل هسافر اى بلد اوروبى علشان اعرف فعلا معنى كلمة احترام الانسان لنفسه وللاخرين
او اليابان والصين علشان اتعلم سر نجاحهم فى كل حاجة
وهيكون طبعا الكلام ده لو زهقت من مصر
وهاخد اكتر انسان بكون مبسوط وانا معاه
الموزة بتاعتى
هههههههههههههههههههههههههههههههه

تحب مساهمتك تكون ردود اكتر ولا مواضيع انت تكتبها

طبعا احب مواضيع

لو عايز تقول انك حبيت شخص بينا فى المنتدى هتقلها لمين

بصراحة هقولها لكل المنتدى
لكل اعضاءه ومشرفينه لانهم فعلا من افضل الناس الى عرفتها
ومتخافيش انتى منهم يعنى هى جت عليكي هههههههههههههههههه

موضوع: شكرا ساندى الجمعة مارس 06, 2009 9:35 am

]وعدنا مرة اخرى مع المتميزة ساندى وجارى اجابة الاسئلة

من صفات فتاة احلامك انها تكون روشه و لذيذه و اجتماعيه ولا هاديه و رقيقه؟

بصى انا عايز فيها شوية حاجاة صعبة شوية يعنى تكون روشة ولذيذة بس فى نفس ذات الوقت هادية ورقيقة تقوليلي ازاى اقولك معرفش بس انا عايزها كدة ههههههههههههههههههههههههههه بس لو اخترت اوى بقئ هختار روشة ولذيذة معايا وهادية ورقيقة مع باقى الناس

ايه اكتر الصفات اللى بتضايقك و تخليك تبعد عن بنت؟

اولا : طول اللسان فى البنت مش بحبه
ثانيا : بعض التجاوزات خاصة فى هزار البنات
ثالثا : عدم احترام الذات
رابعا : لو بتاكل محشى البتنجان ههههههههههههههههههههههههههه

ايه الصفات اللى تجذبك لبنت و تخليك معجب بيها؟

هما شوية صفات كدة
اولا : رجاحة العقل
ثانيا : اسلوب التحدث والكلام واللباقة
ثالثا : الى اى درجة متدينة
رابعا : التعليم
خامسا : المظهر الخارجى
سادسا : رقم 6 بقئ يا ساندى هى مدى اجادتها للطبخ وخاصة الاصناف الى بحبها هههههههههههههه

ايه الفرق بين البنت اللى انت عايز تتصاحب عليها و اللى انت عايز تتجوزها؟ و هل ممكن تتجوز بنت كنت مصاحبها

يعنى ايه مصاحب بنت تعرفى تفسرى ليا المصطلح ده ؟
ويعنى ايه برضه ممكن اتجوز بنت كنت مصاحبها يعنى المفروض اتجوز بنت معرفش عنها اى حاجة زى جواز الصالونات
معتقدش

لو حسيت ان فى واحده معجبه بيك هتتقربلها و لا تنفضلها و تتقل؟
لو مكنتش مرتبط ساعتها وهى عجبانى هقربلها بس بتقل برضه
اما لو مكانتش عجبانى هقول معلش اصلى عندى فوبيا ضد الجواز ههههههههههههههههههههههه

[/b][/

كل اعضاءالمنتدى صعب يا ساندى بس انا هاخد الاسماء الى قالت عليها سالى اتفقنا ؟

ساااااااااااندى

الايجابيات : متميزة فى المواضيع بجد وكمان من الناس القلائل الى بتابعى الموضوع بعد كتابته وتتابعى ردوده
السلبيات : لايوجد شئ يذكر

ساااااالى

الايجابيات : تهتم كثيرا بالمنتدى اكثر من اى شء اخر وخاصة منتدى اشرافها
السلبيات : مش بتتابع كل مواضيع المنتدى

بسبووووووسه

الايجابيات : تتمتع بخفة الدم فى الردود
السلبيات : اسئلتها غلسة اوى هههههههههههههههههه

نوووووووجا

الايجابيات : من افضل المشاركين فى المنتدى
السلبيات : مفترية

حنااااااااان

الايجابيات : تتميز بالمواضيع الكثيرة والغنية
السلبيات : لا يوجد شئ يذكر

علااااااا

الايجابيات : من انشط المشرفين خاصة فى القسم الاسلامى
السلبيات : تضع اكثر من موضوع فى وقت واحد وفى قسم واحد مما يصعب متابعتهم

نيررررره

الايجابيات : تزين المواضيع بردودها
السلبيات : مشاركتها قليلة

نووووووووووور

الايجابيات : تضع مواضيع قليلة ولكنها جميلة وتستحق الاهتمام
السلبيات : لا يوجد شئ يذكر

جناااااااااااات

الايجابيات : بصراحة مش شوفت مواضيع كتير ليها علشان احكم
السلبيات : نفس الاجابة

سارة ساسو

الايجابيات : تحب كثيرا وضع ردود مشجعة فى المواضيع
السلبيات : مشاركتها قليلة

موووووووووودى

الايجابيات : له مواضيع قليلة ولكنها ممتعة
السلبيات : لايشارك الا فى القسم الترفيهي فقط

مووووولتو

الايجابيات : يكفى انه منشئ المنتدى الجميل ده الى بيجمعنا
السلبيات : لايوجد شئ يذكر

شيفوووووووو

الايجابيات : مواضيع شيقة
السلبيات : ردود قليلة

صوت الخيانه

الايجابيات : غير متابع جيد لمواضيعه لكن ردوده حلوة
السلبيات : مشاركات قليلة

ميدو مشاكل

الايجابيات : متميز خاصا فى قسم السيارات
السلبيات : لا يوجد شئ يذكر

شوفتى يا ساندى نسيت الهدايا ههههههههههههههههه

ساااااااااااندى

افضل ما يقدم للمتميزة هى وردة

ساااااالى

دبدوب احمر كبير

بسبووووووسه

حتة شوكولاتة

نوووووووجا

تمثال فرعونى مصرى

حنااااااااان

كيبورد هدية ههههههههههههه
علشان تبطل اسئلة محرجة للناس

علااااااا

مصحف

نيررررره

صدفة هتبقى جميلة جدا

نووووووووووور

كتاب عن ادارة الاعمال

جناااااااااااات

ام بى 3

سارة ساسو

سارة هجيبلك توك توك هههههههههه

موووووووووودى

اسطوانة اغانى شعبى

مووووولتو

وسام لمجهودك ده

شيفوووووووو

كتاب عن الطبخ ههههههه اهيه مهنة برضه

صوت الخيانه

عجلة بتلات عجلات هتبقى حلوة كهدية هههههههههههههههههه

ميدو مشاكل

جنوط اسبور هدية لحبه للعربيات

الله عليك يا هيرو وربنا منور الكرسى
بس يا خساره النهارده اخر يوم ليك
يلا بقا كان نفسى تقعد لاخر الشهر

الله على ردودك انتى يا ساندى
وبعدين انا يعنى مش هسافر هفضل على قلبكم فى المنتدى

هههههههههههههههههههههههههه
فاكر نفسك هتهرب منى لسه فى بكره كمان
معلشى اصلى كنت بضحك معاك

هيرو

يا مفترى يا مشردنى
طيب والله لاقعدك على الكرسى
لغايه اخر الشهر ومن غير تصويت
يا واد انت ما خلتش فيا حاجه عدله
وقفت سوقى
اتجوز ازاى انا دلوقتى
مااااااااسى
كله هيطلع على عينك

qwqw

ساندى كتب:: هههههههههههههههههههههههههه
فاكر نفسك هتهرب منى لسه فى بكره كمان
معلشى اصلى كنت بضحك معاك

ههرب منك ليه يا ساندى
انا مستينيكى لما نشوف بكرة هتعملى ايه

saaaaaly كتب:: هيرو

يا مفترى يا مشردنى
طيب والله لاقعدك على الكرسى
لغايه اخر الشهر ومن غير تصويت
يا واد انت ما خلتش فيا حاجه عدله
وقفت سوقى
اتجوز ازاى انا دلوقتى
مااااااااسى
كله هيطلع على عينك

خلاص لما تعدى انتى بس

ندبس فيكي مولتو
بس اوعى تجيبله سيرة

احنا هنعملهاله مفاجاة
وبعدين مش ههون عليكي تقعديني شهر
انا واثق فى كدة

ههههههههههههههههههههههههههههه

حمااااااااااده
ههههههههههههههه عايز تدبنسي
ومالو احلي واجمل تدبيسه ربنا يكتر
eer

لو عندك تاني ابعت
xxx

الله عليها ساالي عسسل والنحمه
eer

تعالي هنا بئي انا بقالي كتير النت فاصل عندي ومش سالتك لسه

اولا انا مش بحب حكيم
ثانيا ميرسي يا صااحبي ع كلامك عني zzx

تعالي بئي شويه

لو حصل وارتبطت بانسان على اساس العقل فقط كنت تقفل قلبك وتخاف من ان تحب وتفشل وكذالك اللى حواليك واقرب الناس اليك كانت نصيحتهم انك لا تفتح قلبك لاحد وانك اتربيت على ان الزواج اللى مبنى على الحب بيفشل والحب بيجيى بعد الجواز وتزوجت وبعد الزواج من اول يوم وانت بعيد عن شريك حياتك قلبك مقفول من ناحيته حاولت تحبه لكن مقدرتش العشرة وجدت بينكم مودة لكن حب لا عارف انك لو بعت عنه هو هيضيع وهو سعيد انك جنبه بس لمجرد انك حبيبه لكن هو بالنسبه لك حد اصبح شريك لحياتك لما تلاقى نفسك حزين ديما بدور عالحب والمشاعر ومش قادر تلاقيها نفسك تخلى بيتك جنة ومش عارف لان اساس الجنه مش موجود
حياه على اساس حب من طرف واحد
___

كتير بنقايل اصدقااء مش بيحفظو ع الصداقه وبيحصل منهم مواقف تجرحنا
لو ده حصل معااك وكان ليك صديق وخاانك رغم انك معااه صااديق وفي وحاابب صداقتك ليه
وبعدها رجع طلب منك السمااح رغم ان الموقف صعب هو جرحك وخاانك
هتعمل ايه معااه
هتنقهر منه متعاتبه وتغضب عليه
هتسيب المكاان المتوااجد فيه وتمشي بدون كلام
في الحاله دي هتكون ضعيف منكسر وجرحو اثر فيك
ولا هتسلم عليه عاادي
كانه حد عادي وكانه مش موجود وتضحك عاادي اسلوب السخريه يعني
بس بكده هو الي هينقهر منك وهتظهر قدامو انك مش مهتم بيه
بصراحه هتعمل ايه
___
لو دخلت محل تشتري طقمين حلوين كدا
وفجاه وانت بتحااسب

تفاااجاات

انك مش معااك فلوس
هههههههه هتعمل ايه

بص بئي يا سيدي عايزك تقول كلمه ونصحيه لكل عضو في المنتدي
يعني الي بيدخلو كرسي الاعتراف او اي حد من الاعضااء
كلمه nnnnn

ونصيحه

عبر مين قدك

انا جييييييييييييييييييييت
سؤال الختام بتاع النهارده بيقول
ايه هى اوقات سعادتك
ايه هى اوقات حزنك
عملت ايه بتندم عليه
ارخم سؤال اتسألتو
اول هديه ليك (وكانت ايه)؟
ايه الحاجه اللى بتحب تشوفها كل يوم
ايه اكتر حاجه مش راضى فيها عن نفسك
بتضعف قدام ايه
ايه اكتر حاجه بتنرفزك
اكتر حته بتحبها فى مصر
اكتر فيلم بتحب تشوفو
صديقك الانتيم
حاجه لفتت نظرك من قريب
المغنى والمغنيه المفضلين ليك
الممثل والممثله المفضلين ليك
اشهى اكله بتحبها
المشروب المفضل
اجمل رحله طلعتها كانت فين ومع مين
عرفت المنتدى ازاى
العضو اللى لافت نظرك فى المنتدى
اكتر موضوع بيشدك للمنتدى
اكتر اسم مستعار بيعجبك فى المنتىدى
ههههههههههههههههه
انا عارفه انك كرهتنى
بس يلا خليها عليك المرادى
يارب الكرسى يقع بيك فى اخر يوم

» حصريا ( MOOOOOOODE) على كرسى الاعتراف
» مااااااااااااااااااااااادونا على كرسى الاعتراف
» منوعات كرسى الاعتراف
» 2 منوعات كرسى الاعتراف
» جاااااسمين على كرسى الاعتراف