هل كلمه اســــف تدواي الجراح

كلمه اسف ربما تمحو خطاء سهل ان ينسى

ولكن اسف لا يمكن ان تمحو خطاء كبير من شخص عزيز

لو كانت اسف تداوى الجراح لكان استعملها كل العشاق

فعذرا حبيبى لن اغفر لك
ولن انسى ما فعلته بى

ولن اسامحك

رغم اعتذارك باسف

ولكن جرحك اكبر من اسفك

موضوع جميل يا ساندى

كلمه اسف لا تكفى

خصوصا لو كانت غلطه من حبيب ادتيته كل ثقتى ادتيته قلبى امنته على حياتى يمكن اقبلها من اى حد مليش علاقه بيه لانه مش بيهمنى لكن من حبيبى صعب انى ارضى بيها لانى هنت عليه فى الوقت اللى هو عمرة ما هان عليا كان فين حبه ليه قبل ما يغلط ويعمل حاجه تجرحنى كان فين مراعاته لشعورى معملش حسابى فى الوقت اللى كنت بعمل كل حاجه عشان ارضيه
اسف ممكن تخلينى احاول اداوى جرحى احاول ااتعايش معاه مرة تانى لكن عمرها ما هترجعلى قلبى اللى انكسر عمرها ما هترجعلى ثقتى فى حبيبى تانى عمرها ما هترجعنى سعيده زى ما كنت
بس هى هترضى غرورى هتخلينى فى موقف الاقوى هتخلينى احس انى مظلمتوش والدليل انه رجعلى يتاسف

ولكن

هيفضل سؤال كنت انا فين من حياتك لما غلطت فى حقى كده؟؟
ليه فوقت دلوقتى ليه قبل ما تعمل الغلطه مفكرتش فى احساسى ومشاعرى
للاسف
اسف دايما بتيجى متاخر بتيجى بعد الالم
هى بتكون مسكن للالم ومش بتداوى الجراح